https://youtu.be/uwGALewWCjQ
行山系列第二撃 –＃城門水塘
難度：⭐︎
長度：⭐︎⭐︎⭐︎
時間：約四小時（約8公里）
起點：荃灣地鐵站＞小巴82號＞城門水塘
終點：城門水塘＞小巴82號＞荃灣地鐵站
路線特色 : 難度低，風景靚（謝安琪mv《山林道》都係度取景），夠浪漫，有靚靚地方野餐，主要係林蔭下行走，途中仲會有大量馬嬲仔
宜：＃情侶，＃戀人未滿，＃一家大細，＃行山初哥，＃想影靚相的你
忌：＃追求山景或開揚景色之人，＃一班麻甩佬（太浪漫）
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
純文字攻略：（方便大家copy定行山時睇番）
係荃灣地鐵站集合，再係兆和街搭82號小巴直到城門水塘。
約5分鐘：左轉往賞蝶園，直走沿水塘走，請直走。
約35分鐘：上完樓梯會見到一條大平路，右轉繼續沿城門水塘走。
約50分鐘：離開白千層林道行多幾步，會見到右邊有條路仔通往白千層塘畔
約1小時10分鐘：左邊你會見到第一個洗手間，右邊繼續沿水塘進發。
約1小時20分鐘：有路牌，左轉往鉛礦坳－大埔，右轉往水塘主壩，請右轉。
約1小時25分鐘：經過一個涼亭後行多兩步，你會見到右手邊有條小路通往十二號場。
約1小時50分鐘：有路牌，繼續沿馬路直走會前往畔塘徑，右轉會離開馬路前往主壩，請右轉。
約2小時25分鐘：行左一大段平路之後，會見到有個地圖牌，直行會上左山，右轉會前往主壩，請右轉。
約3小時10分鐘：到主壩啦！
約3小時30分鐘：有路牌，會見到有通往小巴站既路牌，繼續沿馬路走。
約3小時50分鐘：到小巴站，離開。
起點同終點係同一個小巴站。
Search